Sumqayıtda antisanitar vəziyyət sakinlərin narazılığna səbəb olub.
Sumqayit24.az-a daxil olan məlumata görə, Corat bağlarının Elçin Hüseynov küçəsində zibillər üst-üstə yığılıb. Görüntülərdən də aydın olur ki, ərazidə zibil qutuları da yoxdur.
Şikayətçilərin sözlərinə görə, natəmiz ərazidə sakinlər avtobus gözləyir. Belə vəziyyət bu problemi daha da dərinləşdirir.
Onu da əlavə edək ki, sözügedən ərazidə avtobus dayanacağı da yoxdur. Bir sözlə, zibillər “avtobus dayancağını” əvəz edir.
Vətəndaşlar aidiyyəti qurumlardan həm ərazinin təmizlənməsini, həm də burada avtobus dayancağının təşkil edilməsini tələb edirlər.
