Üzeyir Hacıbəyov küçəsində piyadalar üçün şərait yaradılmayıb. Sumqayıt24 bu haqda 24 fevral tarixində xəbər verir.
Küçənin 12-ci mikrorayona düşən hissəsində kifayət qədər yer olsa da, səki çəkilməyib. İnsanlar məcburən avtomobil yolu ilə hərəkət etməli olurlar. Bu isə həm onlar, həm də sürücülər üçün təhlükəlidir.
Dəmir yolu vağzalının önündə də vəziyyət ürəkaçan deyil. Burada avtomobillər üçün yer ayrılsa da, piyadalar nəzərə alınmayıblar. Stansiyanın önünə gələn avtobusları gözləyənlərə dayanacaq da ayrılmayıb.
