Sumqayıt övladlığagötürmə ilə bağlı ön sıralardadır.
Statistikaya əsasən, övladlığagötürmə ilə bağlı müraciətlərin və faktiki göstəricilərin yüksək olduğu ərazilər sırasında şəhərimiz xüsusi yer tutur. Ötən il ölkə üzrə övladlığa verilən uşaqların bir hissəsi məhz Sumqayıt və ətraf ərazilərin payına düşüb.
AZƏRTAC-ın sorğusuna cavab olaraq Əmək və Əhalinin Sosial Müdafiəsi Nazirliyi yanında Sosial Xidmətlər Agentliyinin İctimaiyyətlə əlaqələr və kommunikasiya departamentindən bildirilib ki, Bakıdan sonra Abşeron rayonu və Sumqayıt şəhəri üzrə göstəricilər üstünlük təşkil edir. Bu, regionda ailələrin övladlığa uşaq götürməyə marağının yüksək olduğunu göstərir.
Övladlığagötürmə üzrə aktivlik yalnız Sumqayıtla məhdudlaşmır. Siyahıda həmçinin Gəncə, Cəlilabad, Bərdə, Sabirabad, Hacıqabul, İmişli və Lənkəran rayonları da ön sıralardadır.
Bildirilib ki, ötən dövrdə respublika üzrə ümumilikdə 818, təkcə 2025-ci ildə isə 149 uşaq övladlığa götürülüb.
