Bu gün sumqayıtlı şəhidin doğum günüdür.
İlqar Vaqif oğlu Məmişov 7 fevral 1990-cı ildə Sumqayıt şəhərində anadan olub. Orta təhsilini Bakı şəhəri, 37 saylı tam orta məktəbdə aldıqdan sonra Azərbaycan Dövlət İqtisadiyyat Universitetinə qəbul olub.
44 günlük Vətən Müharibəsində iştirak edən İlqar Məmişov bir sıra rayonlarımızın azad edilməsində böyük rəşadət göstərib.
Vətən Müharibəsində iştirakına görə İlham Əliyevin müvafiq sərəncamları ilə "Cəsur döyüşçü"və "Vətən müharibəsi iştirakçısı" medalı ilə də təltif edilib.
Azərbaycan Daxili Qoşunlarının hərbi qulluqçusu olan İlqar Məmişov Vətən müharibəsindən qayıtdıqdan sonra müalicə almış və 4 fevral 2022-ci il tarixində vəfat edib. Qeyd edək ki, o, 1 ildən artıq müddət ərzində xərçəng xəstəliyi ilə mübarizə aparıb.
Vəfat etdikdən sonra şəhidlik statusu verilib.
Ailəli idi, bir övladı yadigar qalıb.
