Sumqayıt idmançıları Türkiyədən medallarla qayıdırlar.
Sumqayit24.az xəbər verir ki, 22 ölkənin idmançılarının iştirakı ilə karate üzrə “Marmara Cup” adlı beynəlxalq turnir keçirilib. Məşqçi Murad Hacızadənin yetirmələri Seyidəli Fəttahlı (14–15 yaş, -52 kq) 6 döyüş keçirərək birinci yerin sahibi olub, Röyal Qurbanzadə 5 döyüş keçirərək ikinci yerə, Əziz Əhmədli isə 4 döyüşün ardından üçüncü yerə layiq görülüb.
Bundan əlavə digər sumqayıtlı idmançı Elçin Şiriyev -61 kq. çəki dərəcəsində bütün rəqiblərini məğlub edərək qızıl medal qazanıb.
