Xəbər verdiyimiz kimi, Sumqayıtda stadionlardan birinin uzun müddətdir baxımsız vəziyyətdə qalması narazılıq yaradıb.
Belə ki, 27 nömrəli məktəbin yaxınlığında yerləşən stadion hazırda nəzarətsiz və yararsız durumdadır.
Mövcud vəziyyət xüsusilə uşaqları və gəncləri narahat edir. Elə bizim də uşaqlara və gənclərə şad xəbərimiz var.
Belə ki, Abşeron-Xızı Regional Təhsil İdarəsindən Sumqayit24.az-a bildirildi ki, qurumun tabeliyində fəaliyyət göstərən ümumi təhsil müəssisələrinin maddi-texniki bazasının gücləndirilməsi, həyətyanı sahələrin abadlaşdırılması və idman infrastrukturunun yaxşılaşdırılması prioritet istiqamətlərdəndir:
"Sumqayıt şəhər 27 nömrəli tam orta ümumtəhsil məktəbinin yaxınlığında yerləşən stadionun mövcud vəziyyəti ilə bağlı məsələ araşdırılıb.
Qeyd edirik ki, həm məktəb binasının, həm də həyətyanı sahənin, o cümlədən stadionun təmir olunması ilə bağlı məsələ təmir planına daxil edilib. Növbəlilik prinsipi əsasında müvafiq işlərin həyata keçirilməsi nəzərdə tutulur".
