Yanvarın 29-da gecə Yer kürəsində zəif maqnit qasırğası qeydə alınıb və 24 saat ərzində təkrarlana bilər.
Sumqayit24.az xəbər verir ki, bu barədə Rusiya Elmlər Akademiyasının (REA) Kosmik Tədqiqatlar İnstitutunun Günəş Astronomiyası Laboratoriyası və REA-nın Sibir Bölməsinin Günəş-Yer Fizikası İnstitutu məlumat yayıb.
Qeyd edilib ki, ötən sutka ərzində qısamüddətli dalğalanmalar və zəif maqnit qasırğası müşahidə olunub. Laboratoriyanın saytındakı qrafikə əsasən, maqnit qasırğası yanvarın 29-da gecə baş verib.
24 saat (sutka) ərzində Günəşin digər tərəfindəki aktiv bölgələrin Yerdən görünən tərəfinə çıxış ola bilər.
"Bununla bağlı olaraq, trendin tədricən dəyişməsi və partlayışların sayının artmasının bərpası gözlənilir. Bunun hansı səviyyəyə qədər qalxa biləcəyi bu bölgələr tam şəkildə izlənilmə zonasında olduqdan sonra aydınlaşacaq", - deyə qeyd edilib.
