Sumqayıtda piyada zolağı ilə bağlı mövcud vəziyyət sakinlər üçün ciddi narahatlıq yaradır.
Sumqayit24.az-a daxil olan məlumata görə, 6-cı mikrorayon, H.Salayev küçəsində piyada keçidini bildirən yol nişanı quraşdırılsa da, zolaqların çəkilməməsi hərəkətdə ciddi çətinliklərə səbəb olur.
"Sürücülər piyada zolağı görünmədiyi üçün çox vaxt bu hissədə sürəti azaltmır, nəticədə piyadalar yolu keçərkən təhlükə ilə üz-üzə qalırlar. Xüsusilə məktəblilər, yaşlılar və uşaqlı valideynlər üçün bu vəziyyət daha risklidir",- deyə şikayətçilərdən biri bildirib.
Vətəndaşlar aidiyyəti qurumlardan qeyd olunan ərazidə piyada zolağının çəkilməsini tələb edirlər.
