Sumqayıt sakinlərini narahat edən problem həllini tapacaq.
Xəbər verdiyimiz kimi, şəhərin bütün mərkəzi küçələrində - Sülh və Heydər Əliyev prospektlərində, eyni zamanda Nəriman Nərimanov və Səməd Vurğun küçələri və digər ərazilərdə zibil qutuları yoxdur.
Bu cür vəziyyət müxtəlif çətinliklər və problemlər yaradır, insanların cərimələnməsinə səbəb olur.
Sumqayıt Şəhər İcra Hakimiyyətinin mətbuat katibi Eyvaz Qocayev Sumqayit24.az-a bildirib ki, il ərzində şəhər ərazisində yeni zibil qutularının qoyulması nəzərdə tutulub:
"Yeni zibil qabları qoyularkən təkliflər və şikayətlər nəzərə alınacaq".
