Sumqayıtda summativ qiymətləndirmənin keçirilməsi üçün şagirdlərdən pul yığıldığı iddia olunur.
Belə ki, valideynlərin sözlərinə görə, Sumqayıt şəhər Mikayıl Müşfiq adına 34 nömrəli tam orta məktəbdə məktəb rəhbərliyinin göstərişi ilə onlardan hər şagird üçün 5 manat məbləğində vəsait tələb olunur. İddialara görə, sözügedən məbləği valideyn komitəsinin rəhbəri yığır.
Valideynlərin bir qismi isə bu ödənişi etməyəcəklərini qeyd ediblər.
Məsələ ilə bağlı Abşeron-Xızı Regional Təhsil İdarəsindən bildirilib ki, məktəbin valideyn qrupuna aid olduğu iddia edilən səsyazısı ilə bağlı araşdırma aparılacaq.
"Araşdırmanın nəticəsi ilə bağlı ictimaiyyətə məlumat veriləcək".
Ətraflı Xəzər Tv-nin süjetində:
