Sumqayıt şəhərinin Hacı Zeynalabdin Tağıyev qəsəbəsində yollar bərbad vəziyyətdədir.
Bununla bağlı Sumqayit24.az-a şikayət daxil olub. Mövzu ilə bağlı sakinlər bildiriblər ki, yollar uzun müddətdir bərbad haldadır. Asfalt örtüyündə çuxurlar yaranıb. Lakin heç bir təmir işləri aparılmır. Yerli bələdiyyədə isə şifahi şikayətlərə baxan belə yoxdur. Sakinlərin sözlərinə görə, yolun daha da acınacaqlı vəziyyətə düşməsinə səbəb partlayan borudan suyun yola axmasıdır.
