Bir müddətdir paytaxtda stomatoloqlardan hər iş otağı üçün aylıq 1800 manat, bölgələrdə isə 1200 manat tələb olunduğu barədə iddia yayılıb.
Sumqayit24.az xəbər verir ki, TƏBİB-in icraçı direktoru Vüqar Qurbanov “Xəzər Xəbər”ə müsahibəsində məsələyə münasibət bildirib.
O bildirib ki, stomatoloqlar tərəfindən qeyri-rəsmi ödənişlər həddən artıq çox saydadır:
“Bunun qarşısının alınması üçün TƏBİB tərəfindən artıq müzakirələrə başlanılıb. Burada konkret rəqəm və say üzərindən danışmaq düzgün deyil. Hələki rəsmi qərar qəbul edilməyib”.
TƏBİB rəsmisinin sözlərinə görə, sadəcə stomatoloqların fəaliyyətini daha düzgün və qanuni olması üçün müzakirələr aparılıb və iradlar bildirilib.
“140-dan çox stomatoloji xidmətin qiyməti TƏBİB tərəfindən tənzimlənib. Lakin yoxlamalar zamanı müəyyən olunub ki, tələb olunan məbləğ stomatoloqlar tərəfindən ödənməyib. Buna görədə bu qeyri-rəsmi ödəniş və neqativ halların qarşısını almaq üçün atılan addımdır. Hazırda da müzakirələr aparılır. Sonda ortaq qərara gəlinəcək”, - deyə Vüqar Qurbanov əlavə edib.
