Sumqayıtlı şəhid Mehriban Qarayevanın döyüş yoldaşı Vidadi Əsgərov onun haqqında xatirələrini bölüşüb.
Sumqayit24.az-a danışan Vidadi Əsgərovun sözlərinə görə, Mehriban Qarayeva müharibə başlamazdan bir gün əvvəl Ağdamdakı kəndlərinə gəlib.
"Mehriban xanım gəldiyi gündən döyüşlərin başlanmasını gözləyirdi. Bir gün sonra döyüş başladı. Komandirlərimizin tapşırığına əsasən əməliyyata başladıq və əməliyyat uğurlu oldu - iki kənd düşməndən azad edildi:
Sonra düşmən əks-hücuma keçdi. Komandirin tapşırığına əsasən, Mehriban xanım sürücü və daha üç nəfərlə birlikdə maşınla yola düşdülər. Sürücünün dediyinə görə, yolda ermənilər taxıl sahəsindən çıxaraq onlara hücum ediblər. Mehriban xanım da elə maşında olarkən şəhid olub.
O, çox sadə, vətənpərvər və gözəl insan idi. Vətənini o qədər sevirdi ki, Sumqayıtdan Ağdama - torpağı uğrunda döyüşməyə gəlmişdi".
