“Xəzər bağları” sakinləri yolsuzluqdan əziyyət çəkirlər.
Sumqayıt24-ə şikayətçilərdən verilən məlumata görə, yaşayış massivinin əksər ərazilərində, xüsusilə Üzümlük küçəsində yollar bərbad vəziyyətdədir. Yağış yağanda yaranan gölməçə və palçıq səbəbindən yol keçilməz vəziyyətə düşür.
“Bu yollarda avtomobillərimiz sıradan çıxır. Yağış dayansa belə, palçıq iki həftə qurumur. Payız-qış aylarında uşaqlarımız dərsə, biz isə işə getməkdə çətinlik çəkirik. Həmçinin taksi və təcili tibbi yardım avtomobilləri də ünvana güclə çatır, bəzən isə ümumiyyətlə gəlməkdən imtina edir”, - deyə sakinlər narazılıqlarını bildiriblər.
