“Yaşıldərə” yaşayış massivində vaxtaşırı yaranan kanalizasiya problemi ilə bağlı rəsmi qurum münasibət bildirib.
Xəbər verdiyimiz kimi, “Portağal” marketin yaxınlığında yerləşən tuneli mütəmadi olaraq çirkab sular basır. Yol keçilməz hala düşür, həmçinin ətrafa üfunət iyi yayılır. Sakinlər hər dəfə ərazidən keçəndə çətinliklə üzləşirlər.
Məsələ ilə bağlı İri Şəhərlərin Birləşmiş Su Təchizatı Xidmətindən Sumqayit24.az-a bildirilib ki, yaşayış massivində quruma məxsus tullantı su şəbəkəsi mövcud deyil:
“Lakin buna baxmayaraq, qəza xidməti ərazidə yığılmış suların çəkilməsini həyata keçirib,” - sözügedən xidmətin məlumatında qeyd edilib.
