Sumqayıt şəhərinin Yaşma bağlarında abadlıq işləri aparılıb.
Sumqayıt Bələdiyyəsindən Sumqayit24.az-a verilən məlumata görə, şəhid Cavid Mirzəyevin adına olan küçə artıq tam təmir olunaraq sakinlərin istifadəsinə verilib. Bununla yanaşı, digər ünvanlarda da analoji işlər icra olunub və proses mərhələli şəkildə davam etdirilir.
Hazırda sözügedən ərazidə yolun abadlaşdırılması və asfaltlanması məsələsi qarşıya prioritet vəzifə kimi qoyulub. Sakinlərin gündəlik rahatlığını və gediş-gəliş imkanlarını təmin etmək məqsədilə yaxın gələcəkdə ərazidə yüksək səviyyədə təmir və abadlıq işlərinin görülməsi nəzərdə tutulur.
