Sumqayıt məktəbliləri beynəlxalq olimpiadada göstərdikləri nəticələrə görə mükafatlandırılıblar.
Sumqayit24.az xəbər verir ki, "KINGS-2025" Olimpiadasının payız sessiyasında uğurlu çıxış edənlərin mükafatları təqdim edilib.
Olimpiadanın nəticələrinə əsasən 31 nömrəli məktəbin 7-ci sinif şagirdləri müxtəlif diplomlarla təltif ediliblər.
Belə ki, Vəli Sədili həm riyaziyyat, həm də ingilis dili fənni üzrə yüksək nəticə göstərib və hər iki fəndə 1-ci yerə layiq görülərək 2 qızıl medal qazanıb.
Əhməd Zamanlı riyaziyyat fənni üzrə 2-ci yerə layiq görülərək gümüş medal, Selcan Abbaszadə isə ingilis dili fənni üzrə 1-ci yerə layiq görülərək qızıl medal əldə edib.
