Corat qəsəbəsində antisanitariya vəziyyəti yaranıb. Sumqayıt24 bu barədə 30 noyabr tarixində ATV News-a istinadən xəbər verir.
Bir neçə gün öncə ərazidə olan zibil qutularının antisanitar vəziyyət yaranmasına görə bələdiyyə əməkdaşlar tərəfindən götürülüb. Hazırda sakinlərin bir qismi məişət tullantılarını qapının önünə qoyur, bəziləri isə boş əraziyə atırlar. Beləliklə ərazidə antisanitar vəziyyət müşahidə olunur.
Corat qəsəbəsi təmizlik departamenti sakinlərin iddiası ilə razılaşmır. Sahə rəisi İslam Kərimov bildirib ki, ərazidəki zibil qutuları vətəndaşların müraciətinə əsasən götürülüb. Heç bir sakin öz evinin yaxınlığında qutunun qoyulmasını istəmir.
“Qəsəbə sakinləri müəyyən bir yer təyin etsələr, qutuları ora yerləşdirə bilərik”, - deyə İslam Kərimov bildirib.
