"Sumqayıt” apellyasiya şikayəti ünvanlayacaq. Sumqayıt24 bu haqda 21 sentyabr tarixində Sportinfo.az-a istinadən xəbər verir.
Klubun mətbuat katibi Zaur Xudiyev bildirib ki, AFFA-nın Apellyasiya Arbitraj Tribunalına ünvanlanacaq müraciət baş məşqçi Samir Abasovla bağlıdır. O, Premyer Liqanın altıncı turu çərçivəsində keçirilən "Zirə” - "Sumqayıt” matçından sonra 5 oyunluq cəza alıb. “Sumqayıt” isə cəzanın yüngülləşdirilməsini istəyir:
"Dünən Samir Abasov açıqlamasında məsələ ilə bağlı AFFA-ya müraciət edəcəklərini bildirmişdi. Mən də klubun idman direktoru Faiq Hacı-Məhərrəmovla danışdım.
O bildirdi ki, müzakirələr aparılır və böyük ehtimalla AFFA-ya müraciət olunacaq. Nə zaman müraciət olunacağı ilə bağlı məlumatım yoxdur”.
