Sumqayıtda cüdo üzrə ustad dərsi keçirilib. Bu barədə 12 sentyabr tarixində Cüdo Federasiyasına isinadən xəbər veririk.
Cüdonun yaranmasının 50 illiyi münasibətilə keçirilən tədbir “Göyərçin” abidəsinin ətrafında təşkil olunub. Tədbirdə çıxış edən ACF Prezidentinin müşaviri, Dünya mükafatçısı Natiq Bağırov cüdonun bir idman növü kimi özündə yaşatdığı fəlsəfi mahiyyət və gənc nəslin fiziki və mənəvi sağlamlığına verdiyi töhfədən danışıb. Daha sonra paralimpiya Oyunlarının və Dünya çempionatının ikiqat qalibi, 8 qat Avropa çempionu İlham Zəkiyev belə bir tədbiri təşkil etdiyi üçün federasiya rəhbərliyinə təşəkkürünü bildirib. Ustad dərsi çərçivəsində Dünya mükafatçıları müxtəlif cüdo fəndlərinin yerinə yetirilməsini uşaqlara və gənclərə nümayiş etdiriblər, sakinlərlə səmimi söhbət ediblər və cüdo ilə məşğul olmağa dəvət ediblər. Burada iştirakçılar üçün viktorinalar təşkil olunub, cüdo idman növü üzrə müxtəlif suallar verilib və düzgün cavab verən şəxslərə hədiyyələr təqdim olunub. [modula id="21741"]
