Sumqayıtda “İdman hamı üçün” layihəsi çərçivəsində ağırlıqqaldırma idman növü üzrə ustad dərsləri təşkil edilib. Bu haqda 10 may tarixində Sumqayıt24 Abşeron–Xızı Regional Gənclər və İdman İdarəsinə istinadən məlumat verir.
Ümummilli lider Heydər Əliyevin anadan olmasının 101 illiyinə həsr olunmuş tədbir Sumqayıt Olimpiya İdman Kompleksində keçirilib. Burada idman ustası, yeniyetmələr arasında Dünya və Avropa birinciliyinin mükafatçısı, gənclər arasında Avropa birinciliyinin qalibi Əli Şükürlü iştirak edib.
Məqsəd yeniyetmə və gənclərin fiziki sağlamlıqlarının möhkəmləndirilməsi, bu idman növünə marağın artırılmasıdır.
