Murad Xaçayev üçün "Neftçi" - "Sumqayıt" görüşünün yeri xüsusi idi.
Çünki ona doğma olan insanların önündə meydana çıxırdı.
Belə ki, Ukrayna nəhəngi “Şaxtyor"un yetirməsi olan müdafiəçi 2018-ci ildən ölkəmizdə çıxış edir.
O, geridə qalan 7 ili "kimyaçılar"ın sıralarında keçirib.
Daha sonra Samir Abasovun dəvəti ilə doğma komandasını "ağ-qaralar"a dəyişməli olub.
27 yaşlı futbolçu sportinfo.az-a açıqlamasında meydanda qəribə hisslər keçirdiyini bildirib:
"Açığı, qəribə hisslər idi. Oyundan sonra "Sumqayıt" azarkeşlərindən diqqət gördüm. Yanlarına çağırıb, dəstək göstərdilər. Xoş anlar idi. Mənə hörmət etmələri sevindiricidir. Hər birinə çox təşəkkür edirəm.
7 il burada olmuşam. Uğurlarımız olub. Bir yerdə sevinib, bir yerdə kədərlənmişik.
Amma hazırda "Neftçi"dəyəm. Bu klubun formasını geyinirəm. Çalışıram ki, maksimum "Neftçi"yə kömək edim".
