“Qalatasaray”ın futbol direktoru Sumqayıtda olub. Sumqayıt24 bu haqda 7 fevral tarixində xəbər verir.
Bazar günü futbol ictimaiyyətinin diqqəti şəhərimizə yönəlmişdi. “Sumqayıt” yenidən qurulan Mehdi Hüseynzadə adına stadionda “Neftçi”ni qəbul edib. Premyer Liqanın 21-ci turunun bu oyununu icra başçısı Zakir Fərəcov, SOCAR Prezidenti Rövşən Nəcəf, AFFA-nın vitse-prezidenti Elşad Nəsirov, Ekologiya və Təbii Sərvətlər naziri Muxtar Babayev, Azərbaycan Şahmat Federasiyasının prezidenti Mahir Məmmədov, Elm və Təhsil naziri Emin Əmrullayev, millət vəkili İmamverdi İsmayılov, AFFA-nın baş katibi Sərxan Hacıyev və Türkiyə nəhənginin üzvü Cenk Ergün izləyiblər.
Futbol direktoru şənbə günü "Səbail" – "Qarabağ" matçından sonra Mehdi Hüseynzadə stadionunda baş tutan qarşılaşmaya getmək üçün Bakıda qalıb. Cenk Ergün oyunu "Sumqayıt"ın rəhbərliyi ilə birgə seyr edib.
