“Sumqayıt” futbol klubunda toplantı keçirilib. Komandanın prezidenti Riad Rəfiyev məşqçi korpusu ilə görüşüb.
Sportinfo.az-ın məlumatına görə, yığıncaqda mövsümün qalan hissəsi ilə bağlı müzakirələr aparılıb. Rəfiyev akademiyanın nümayəndələrinə üstünlük verilməsini tapşırıb.
Klub rəhbəri bildirib ki, əvəzedici heyətdə və U-19-da bir neçə istedadlı gənc var, onları artıq Premyer Liqada sınamaq mümkündür.
Baş məşqçi Vaqif Cavadov bu çağırışla razılaşıb. O, çempionatın qarşıdakı 8 turunda həmin cavanları nəzərdən keçirəcəklərini söyləyib.
“Kimyaçılar” liqanın geridə qalan 28 həftəsində 29 xal toplayıb. “Gənclik şəhəri” təmsilçisi turnir cədvəlinin 7-ci pilləsində mövqe tutub.
