Beynəlxalq qrosmeyster Şəhriyar Məmmədyarovun doğum günüdür. Sumqayıt24 bu haqda 12 aprel tarixində xəbər verir.
Şahmatın “Şah”ı 1985-ci ildə Sumqayıtda dünyaya gəlib. 23 nömrəli məktəbdə oxuyub. 8 yaşında atasından şahmat oynamağı öyrənib və Validə Bayramovanın işlədiyi Sumqayıt şahmat məktəbinə yazılıb.
Məmmədyarov karyerası ərzində saysız-hesabsız mükafatlar qazanıb. Nailiyyətləri arasında ikiqat Dünya çempionluğu və üçqat Avropa çempionluğu xüsusi diqqət çəkir. Onun ən yüksək canlı reytinqi 30 sentyabr 2018-ci ildə qeydə alınıb. O zaman Şəhriyar dünya üzrə 2-ci pillədə olub.
