"Sumqayıt" - "Fehervar" matçına 8 mindən çox bilet satılıb. Sumqayıt24 bu haqda 25 iyul tarixində xəbər verir.
Bütün biletlərin satılacağı ehtimalını və yarana biləcək sıxlığı nəzərə alaraq, arenanın giriş qapıları saat 18:00-da açılacaq. Azarkeşlər həm kassa istiqamətindən, həm də "Bakı" restoranı istiqamətindəki girişdən istifadə edə biləcəklər.
“Sizdən xahiş edirik ki, yarana biləcək mümkün sıxlığın qarşısını almaq üçün qeyd olunan vaxtdan etibarən arenaya gəlib, yerinizi tutasınız”, - deyə klub azarkeşlərinə səslənib.
Qeyd edək ki, UEFA Konfrans Liqasının 2-ci təsnifat mərhələsinin "Sumqayıt" - "Fehervar" matçına sayılı saatlar qalıb. Oyun 20:00-da Mehdi Hüseynzadə adına Stadionda baş tutacaq.
