Qadın cüdoçulardan ibarət Azərbaycan millisi Qran-pri turnirinə qatılacaq. Bu haqda məlumatı Sumqayıt24 yanvarın 6-da Report-a istinadən verir.
Yanvarın 26-28-də Portuqaliyanın Odivelaş şəhərində baş tutacaq yarışda Sumqayıt cüdoçusu Gültac Məmmədəliyeva iştirak edəcək. Xanım idmançı 52 kiloqram çəki dərəcəsində mübarizəyə qoşulacaq.
20 sentyabr 1999-cu ildə Sumqayıt şəhərində anadan olan Gültac Məmmədəliyeva xarici ölkələrdə cüdo üzrə keçirilən 20-yə yaxın böyük beynəlxalq yarışların iştirakçısıdır.
