"Sumqayıt" futbol klubu maaş büdcəsini azaltmaq üçün yüksəködənişli oyunçularını satmaq niyyətindədir. Bu haqda Apasport.az-a istinadən yazırıq.
Belə ki, şəhərimizi təmsil edən komanda Rəhim Sadıxovu satmaq istəyir. Məlumata görə, klub yarımmüdafiəçisini 200 min manat qarşılığında "Sabah"a təklif edib.
Həmçinin, "Sumqayıt"ın daha bir futbolçusu - müdafiəçi Cəmaləddin Xocaniyazov da klubdan ayrılmaq fikrindədir. Məlumata əsasən, Xocaniyazov hazırda Rusiyayadadır. Orada o, istirahətlə yanaşı menecerlər vasitəsilə yeni komanda axtarır.
Qeyd edək ki, klub bu addımları büdcəni aşağı çəkmək, həm də gəlir əldə etmək üçün atır.
