“Sumqayıt” – “Sabah” oyunundakı neqativ hallarla bağlı qərar verilib. Sumqayıt24 bu haqda 26 oktyabr tarixində xəbər verir.
Komandalar Premyer Liqanın təxirə salınmış 2-ci tur oyununda qarşılaşıb. AFFA İntizam Komitəsi “Sumqayıt”ın 4 futbolçusu sarı vərəqə aldığına görə klubu 700 manat cərimələyib.
Oyunun 90+4-cü dəqiqəsində “Sabah”ın baş məşqçisi Murad Musayev ikinci sarı və qırmızı vərəqə aıb. Mütəxəssis 1 oyun, həmçinin 3 aylıq sınaq müddəti başa çatmamış növbəti dəfə qırmızı vərəqə ilə cəzalandığına görə ona verilmiş 1 oyunluq şərti cəza üzərinə əlavə olunmaqla ümumilikdə 2 oyun cəzalanıb. Paytaxt klubu isə 1000 manat ziyana düşüb.
Qeyd edək ki, matç “kimyaçılar”ın minimal hesablı qələbəsi ilə yekunlaşıb.
