Sumqayıt komandası Qol güləşi üzrə “Qəbələ kuboku” açıq turnirində iştirak ediblər. Bu barədə 29 avqust tarixində “Qəbələ FK” səhifəsinə istinadən məlumat veririk.
Yarışda 10 komandanı təmsil edən 72 həvəskar idmançı qüvvəsini sınayıb. Medallar uğrunda Sumqayıt ilə yanaşı, Bakı, Abşeron, İsmayıllı, Şamaxı, Oğuz, Qusar, Samux, Ağdam komandaları mübarizə aparıblar. Altı kateqoriyada - 60 kq, 70 kq, 80 kq, 90 kq, 100 kq və +100 kq çəki dərəcələrində keçirilən turnirin qaliblərinə kubok, medallar və xatirə hədiyyələri təqdim olunub. Medalların sayı və əyarına görə komanda hesabında “Fred” İdman Klubu 1-ci, Abşeron 2-ci, Qəbələ 3-cü pillədə qərarlaşıblar.
