"Qarabağ" və "Sumqayıt" indiyədək ölkə çempionatlarında 43 dəfə qarşılaşıblar. Sumqayıt24 bu haqda 28 sentyabr tarixində xəbər verir.
Bunlardan 32-sində Ağdam klubu, 6-da "kimyaçılar" qələbə qazanıb, 5 qarşılaşma isə bərabərliklə yekunlaşıb. Topların nisbətində də "Qarabağ"ın aşkar üstünlüyü var - 103:21. Komandamız bu rəqibə qarşı Premyer Liqadakı son 9 görüşündə qol buraxıb.
"Sumqayıt" "Qarabağ"ı səfərdə yalnız iki dəfə məğlub edə bilib. Hər iki görüşdə "kimyaçılar" 2:1 hesablı qələbəyə seviniblər.
Qeyd edək ki, Premyer Liqanın 8-ci turunun açılış oyunu sentyabrın 29-da "Azersun Arena"da keçiriləcək. Matç saat 20:00-da başlayacaq.
