Cüdo idman növü üzrə Sumqayıt Olimpiya İdman Kompleksinin açıq turniri keçirilib.
Sumqayıt24 xəbər verir ki, turnir şəhərin 75 illik yubileyinə həsr edilib. Yarış 2008-2010 və 2011-2013-cü il təvəllüdlü oğlanlar və qızlar arasında təşkil olunub. Gərgin mübarizə şəraitində keçən turnirin sonunda qaliblər diplom və medalla təltif edilib.
Layihənin keçirilməsində məqsəd yeniyetmə idmançıların yarış təcrübələrinin artırılması, onlar arasında dostluq əlaqələrinin möhkəmləndirilməsi və cüdo idman növünün inkişaf etdirilməsidir.
