Ustad şahmatçı Şəhriyar Məmmədyarov növbəti iki rəqibini də məğlub edib. Bu haqda Report-a istinadən xəbər veririk.
Mərhum şahmatçı Vüqar Həşimovun xatirəsinə həsr olunan beynəlxalq superturnirin VI turunda sumqayıtlı idmançı macarıstanlı Riçard Rapportla üz-üzə gəlib. İlk partiyada qələbə qazanan, ikinci partiyada isə heç-heçə ilə razılaşan Şəhriyar qarşılaşmanın qalibi seçilib.
Turnirin VII turunda isə Məmmədyarov ABŞ-dan olan Fabiano Karuananı məğlub edib.
Bu nəticələrdən sonra Məmmədyarov 14 xalla turnir cədvəlinin 4-cü pilləsində qərarlaşıb.
