Sumqayıtlı Yunan-Roma güləşçisi erməni rəqibini asanlıqla məğlub edib. Bu haqda Azərbaycan Güləş Federasiyasının saytına istinadən yazırıq.
İslam Abbasovun yer aldığı "Şiltgem" komandası Fransada keçirilən klub çempionatına qatılıb. Yarışın həlledici gürüşündə adıçəkilən klub "Sarregimenes" komandası ilə qarşılaşıb.
Abbasov burada 2 çəki dərəcəsində çıxış edib və 86 kq-da erməni Zaven Mikaelyanla üz-üzə gəlib. Həmşəhərlimiz bu görüşdə tam üstünlüklə - 8:0 hesabı ilə qalib gəlib.
Birinciliyin son görüşündə idmançımız 94 kq çəki dərəcəsində fransız Marius Mişonla qarşılaşıb və onu 9:0 hesabıyla məğlub edib. Bu qələbə sayəsində komandalar arasında ümumi hesab bərabərləşib və əlavə göstəricilərə görə "Şiltgem" Fransa çempionu olub.
