Sumqayıtlı şahmatçı həmyerlisi ilə Vüqar Həşimovun xatirəsinə həsr olunan superturnirdə qarşılaşacaq. Bu haqda "Report" bu gün, 20 dekabr tarixində məlumat yayıb.
Məlumata əsasən, IV turda Şəhriyar Məmmədyarov və Rauf Məmmədov üz-üzə gələcək. V turda isə Məmmədyarov hindistanlı Vişvanatan Anandla oynayacaq.
Hazırda olan nəticələrə əsasən, Beynəlxalq qrosmeyster Məmmədyarov və Məmmədov 5 xalla 3-4-cü yerləri bölüşdürürlər.
“Fairmont Baku” otelində təşkil olunan tədbir dekabrın 23-də başa çatacaq.
