Sumqayıtda “Biz bir ölüb, min dirilərik” devizi ilə stolüstü tennis üzrə respublika turniri keçiriləcək. Sumqayıt24 bu barədə 27 oktyabr tarixində Stolüstü Tennis Federasiyasına istinadən xəbər verir.
Zəfər Gününə həsr olunan yarışda Azərbaycanın müxtəlif bölgələrindən idmançılar güclərini sınayacaqlar. “Qarabağ NN” stolüstü tennis idman klubunda təşkil olunacaq turnirdə 2012-ci il təvəllüdlü və yaşı daha az olan idmançılar arasında keçiriləcək.
28-29 oktyabr tarixlərində baş tutacaq yarışın qalibləri Gənclər və İdman Nazirliyi və federasiyanın diplom, medal və qiymətli hədiyyələri ilə mükafatlandırılacaqlar.
