Məsələ ilə bağlı sorğumuza cavab verən "BakuBus" MMC bildirmişdi ki, istismarında olan bütün avtobuslar kondisioner sistemi ilə təchiz edilib və iyunun 15-dən etibarən bütün avtobuslarda sistemlər tam rejimdə istifadəyə verilib.
Lakin Sumqayit24.az-a daxil olan yeni videogörüntülər sərnişinlərin narazılığının davam etdiyini göstərir.
Vətəndaşların sözlərinə görə, 500 nömrəli marşrut xəttində hərəkət edən avtobuslardan birində kondisioner işə salınmır, bunun əvəzinə isə pəncərələr açıq saxlanılır. İsti hava şəraitində bu vəziyyət xüsusilə sıxlıq olan saatlarda narahatlıq yaradır.
Qeyd edək ki, "BakuBus" MMC daha əvvəl kondisionerlərin mərkəzləşdirilmiş qaydada idarə olunduğunu və sürücülərin sistemə müdaxilə imkanlarının məhdud olduğunu açıqlamışdı.
Məsələ ilə bağlı qarşı tərəfin mövqeyini dərc etməyə hazırıq.
