İcbari Tibbi Sığorta üzrə Dövlət Agentliyi şikayətlərə cavab verib. Sumqayıt24 bu haqda 18 noyabr tarixində Bizim.media-ya istinadən xəbər verir.
Xəbər verdiyimiz kimi, insult keçirən Sumqayıt sakini icbari tibbi sığortadan yararlanmaq istəyərkən problemlə qarşılaşıb. Aidiyyəti qurumdan bildirilib ki, xəstə ilə bağlı “Sumqayıt Hospital”dan quruma göndərilmiş stasionar tibbi xidmət (tibbi xidmətin kodu: 2.7.17.1) və beyin KT müayinələrinə əsasən, Xidmətlər Zərfinə daxil olan tibbi xidmətlərin siyahısı və tarifləri üzrə məbləğ ödəniləcək:
“Hospitala ödənilən məbləğ agentlik tərəfindən vətəndaşın ailəsinə qaytarılacaq. Onu da qeyd edək ki, vətəndaşlara agentliyin müqavilə bağladığı özəl tibb müəssisələrində icbari tibbi sığorta çərçivəsində tibbi xidmət göndəriş vərəqəsi ilə (təcili və təxirəsalınmaz hallar istisna olmaqla) göstərilir”.
