Bu gün səhər saatlarında Sumqayıtdan Bakıya gələn elektrik qatarında texniki nasazlıq qeydə alınıb.
Oxu.аz-ın məlumatına görə, saat 07:15-də Sumqayıt Dəmiryol Stansiyasından hərəkətə başlayan qatar 08:07-də qrafikə uyğun olaraq son ünvana çatmalı idi.
Lakin qatar 07:44-də Zabrat-2 stansiyasında ləngiyib. Bələdçi sərnişinlərə qatarda texniki nasazlığın olduğunu bildirib.
Belə ki, qatarın vaqonlarından birinin qapıları açılmayıb, bu da sərnişinlərin qatara minib - düşməsində çətinliklərə və vaxt itkisinə səbəb olub.
