Yenilənib - saat 15:44
Avtoqəzada ölənlərin ata və oğul olduqları müəyyənləşib.
“Mercedes” markalı avtomobilin sürücüsü, 54 yaşlı Azad Bayramov və onun oğlu, 33 yaşlı Anar Bayramov hadisə nəticəsində dünyasını dəyişiblər.
*****
Bakı-Sumqayıt yolunda baş vermiş dəhşətli qəzanın təfərrüatları məlum olub. Bu haqda 18 noyabr tarixində Sumqayıt24 xəbər verir.
Xəbər verdiyimiz kimi, hadisə səhər saatlarında baş verib. “Mercedes” markalı avtomobilin təkəri sıradan çıxdığı üçün sürücü maşını hərəkətdə olduğu ən sol zolaqda dayandırıb. O, zəruri təhlükəsizlik tədbirləri görmədən sərnişini ilə birgə nasazlığı aradan qaldırmağa çalışıb.
Bu zaman, arxadan eyni zolaqla yüksək sürətlə hərəkət edən “Honda” markalı avtomobil nasaz nəqliyyat vasitəsinə çarpılıb. Nəticədə ”Mercedes”in sürücüsü və sərnişini hadisə yerində həyatlarını itiriblər.
