Basketbol üzrə Sumqayıt şəhər birinciliyinə yekun vurulub. Bu haqda bu gün, 9 iyun tarixində Gənclər və İdman Baş İdarəsinə istinadən xəbər veririk.
Yarış Sumqayıt şəhər 1 nömrəli İxtisaslaşdırılmış Olimpiya Ehtiyatları Uşaq - Gənclər İdman Şahmat məktəbində keçirilib. 2010-cu il və daha kiçik təvəllüdlü oğlan və qızlar arasında baş tutan Sumqayıt şəhər birinciliyi 15 İyun - Milli Qurtuluş Gününə həsr olunub.
Yarışda 2 və 18 nömrəli tam orta məktəblərin komandaları qalib gələrək fəxri kürsünün ən yüksək pilləsinə qalxıblar.
Komandalara baş idarə tərəfindən kubok, Fəxri fərman, medal və hədiyyələr təqdim olunub.
