Məhəmməd Nadir İlqar oğlu Rzayev 18 noyabr 1994-cü ildə Sumqayıt şəhərində dünyaya göz açıb.
Orta təhsilə Sumqayıt şəhər 17 saylı tam orta məktəbində yiyələndən sonra, 2012-ci ildə Nadir Azərbaycan Silahlı Qüvvələrinin sıralarında hərbi xidmətdə olub.
2014-cü ildən Xüsusi Təyinatlı Dəstələrin tərkibində müddətdən artıq həqiqi hərbi xidmət qulluqçusu idi. Azərbaycan Ordusunun kəşfiyyatçısı olan Nadir Vətən müharibəsi zamanı ön cəbhəyə gedərək Füzuli və Cəbrayıl istiqamətində gedən döyüşlərdə xüsusi təyinatlıların tərkibində savaşıb. O, 15 oktyabr 2020-ci ildə Füzuli rayonu istiqamətində döyüş tapşırığının yerinə yetirilməsi zamanı şəhid olub.
Nadir ölümündən sonra “Vətən uğrunda”, “Füzulinin azad olunmasına görə” medalları ilə təltif edilib.
