Sumqayıtda “Tullantıları hədiyyələrə dəyiş” festivalı keçiriləcək. Bu haqda 3 iyul tarixində Sumqayıt24 xəbər verir.
Beynəlxalq Polietilen Paketdən İmtina Günü ilə əlaqədar təşkil olunacaq tədbir iyulun 6-da saat 11:00-13:00 arası Dənizkənarı Bulvarda (Göyərçin abidəsindən bulvara düşən yol) təşkil olunacaq.
Festival çərçivəsində vətəndaşlar ümumi tutumu minimum 35 litr olan plastik butulka, 5 litr tutumu olan şüşə butulka/banka və ya 10 ədəd işlənmiş batareya təhvil verərək əvəzində müxtəlif hədiyyələr (ekoçantalar, milli parklara giriş bileti, kitablar və s.) əldə edəcəklər.
Maraqlı viktorinalar, müxtəlif müsabiqələrlə keçiriləcək ekoloji aksiyada tullantıları gətirərək həm təbiətə töhfə vermək, həm də müxtəlif hədiyyələr qazanmaq mümkündür.
