Ceyranbatan qəsəbə 1 nömrəli məktəbində açıq dərs keçirilib. Sumqayıt24 bu haqda 7 dekabr tarixində Den.az-a istinadən xəbər verir.
Tədbir ulu öndər Heydər Əliyevin 100 illiyinə həsr olunub. Təhsil ocağının rəhbəri Nuranə Vəliyeva, tarix müəllimləri Cahid İmanov, İmaməli Quliyev və Könül Adıgözəlova bildiriblər ki, Heydər Əliyevin yubileyi ölkəmizin hər yerində təntənəli şəkildə qeyd edilir.
Müəllimlər ulu öndərin Azərbaycanı dönməz müstəqilliyə, yüksək rifaha, inkişafa doğru apardığını söyləyib, Heydər Əliyevin ölkəmizin inkişafı yolunda gördüyü misilsiz işlərdən söz açıblar.
Sonda Heydər Əliyevə həsr olunan şeirlər səsləndirilib, videomateriallar izlənilib.
