Ceyranbatan qəsəbəsində hazırda fəaliyyət göstərməyən ağac emalı zavodunun ərazisində yanğın baş verib. Sumqayıt24 bu barədə 17 may tarixində Fövqəladə Hallar Nazirliyinə istinadən yazır.
Nəticədə ümumi sahəsi 670 kv.m olan sexin dam örtüyünün yanar konstruksiyaları, içərisində həcmi 5 kv.m olan mazut çəni və soba yanıb. Yanğınsöndürənlər tərəfindən həcmi 30 litr olan 4 ədəd propan qaz balonu təhlükəsiz əraziyə çıxarılıb.
Yaxınlıqda yerləşən digər sexlər mühafizə olunub. Alovun qarşısı alınıb.
