Avtomobili yüksək sürətlə sürən şəxsin kimliyi müəyyənləşib.
Avtosfer.az xəbər verir ki, Bakı-Sumqayıt şosesində yol hərəkəti qaydalarını kobud şəkildə pozan sürücü görüntüləri özünün sosial şəbəkə hesabında paylaşıb. Baş Dövlət Yol Polisi İdarəsinin araşdırmaları nəticəsində sürücünün Fəqan Bəbəşov olduğu məlum olub.
Belə ki, 77-DF-862 qeydiyyat nişanlı “Opel” markalı avtomobilin sürücüsü Fəqan Bəbəşov Ceyranbatan qəsəbəsi ərazisində sürət limitinin 90 km/s olsa da 160 km/s ilə sürətlə hərəkət edib.
Sürücü Yol Patrul Xidməti alayının əməkdaşları tərəfindən saxlanılıb. O, törətdiyi əməli etiraf edib və peşmanlığına dilə gətirib.
Fəqan Bəbəşov barəsində inzibati tədbir görülüb.
