Bu gün Vətən müharibəsi şəhidi Aydın Əliyevin mövlududur.
Aydın Nəriman oğlu Əliyev 9 yanvar 1991-ci ildə Sumqayıt şəhərində anadan olub.
Azərbaycan ordusunun əsgəri olan Əliyev 2020-ci il sentyabrın 27-də başlanan Vətən müharibəsi zamanı Cəbrayılın, Füzulinin, Xocavəndin azadlığı uğrunda gedən döyüşlərdə savaşıb.
Aydın noyabrın 7-də Füzuli istiqamətində gedən döyüşlərdə döyüş tapşırığının yerinə yetirilməsi zamanı yaralanıb. 21 gün komada qaldıqdan sonra noyabrın 28-də şəhidlik zirvəsinə ucalıb. Sumqayıt Şəhidlər xiyabanında dəfn edilib.
Azərbaycan ərazilərinin işğaldan azad olunması zamanı döyüş tapşırıqlarını yerinə yetirən zaman mərdlik və igidlik göstərdiyinə görə Aydı Əliyev “Vətən uğrunda”, “Füzulinin azad olunmasına görə”, “Cəbrayılın azad olunmasına görə”, “Xocavəndin azad olunmasına görə” və “İgidliyə görə” medalları ilə təltif edilib.
