7 nömrəli Ailə Sağlamlıq Mərkəzində maarifləndirmə tədbiri keçirilib. Sumqayıt24 bu haqda 9 dekabr tarixində Fövqəladə Hallar Nazirliyinə (FHN) istinadən xəbər verir.
Görüş Dövlət Yanğın Nəzarəti Xidmətinin mütəxəssislərinin də iştirakı ilə FHN-in Sumqayıt Regional Mərkəzi tərəfindən təşkil olunub. İştirakçılara fövqəladə halların təsnifatı, ölkəmiz üçün xarakterik fövqəladə hallar, yanğınların başvermə səbəbləri və bu zaman zəruri davranış qaydaları aşılanıb.
Həmçinin “112” qaynar xəttinin təyinatından söz açılıb, ilkin yanğınsöndürmə vasitələrindən istifadə qaydaları nümayiş etdirilib.
Sonda suallar ətraflı cavablandırılıb.
