“Etilen-Polietilen” zavodunda “Neft məhsulları saxlanılan rezervuar parklarında yanğınların söndürülməsi” mövzusunda təlim keçirilib. Sumqayıt24 bu haqda 6 iyul tarixində Fövqəladə Hallar Nazirliyinə (FHN) istinadən xəbər verir.
Yanğın-taktiki təlim Dövlət Yanğından Mühafizə Xidməti tərəfindən FHN-in Sumqayıt Regional Mərkəzinin iştirakı ilə 30 nömrəli neft-kimya məhsullarının qəbulu və buraxılması sahəsində təşkil olunub.
Yanğından mühafizə bölmələri şərti yanğın yerində işçiləri “təxliyə edib”, “yanğın” yerində çevik kəşfiyyatın aparılması və “yanğının söndürülməsi”, Sumqayıt Regional Mərkəzinin xilasetmə qrupu isə ərazidən “yaralıların xilas edilməsi” əməliyyatlarını yerinə yetiriblər.
Sonra nəticələr müzakirə olunub, müvafiq tapşırıqlar verilib.
Təlimə 12 ədəd texnika və 60 nəfərdən ibarət şəxsi heyət cəlb olunub.
