Sumqayıt Gömrük İdarəsinin əməkdaşları istehsal müəssisələrində görüşlər keçiriblər. Sumqayıt24 bu haqda 27 dekabr tarixində xəbər verir.
Həmin müəssisələr qurumun fəaliyyət zonasına daxil olan və daxildə emal xüsusi gömrük proseduruna uyğun olaraq yüklərin gömrük rəsmiləşdirilməsini həyata keçirir.
Burada keçirilən tədbirlərin məqsədi isə prosedurdan yararlanan sahibkarların biznes proseslərinin səmərəliliyinin artırılması, biznes subyektlərinin gömrük əməliyyatlarının asan, sürətli və qanunvericiliyə uyğun reallaşdırılmasına dəstək göstərməkdir.
Qurumun səlahiyyətli nümayəndələri müəssisələrdə istehsal prosesini izləyib, sahibkarlarla danışıb, gömrük rəsmiləşdirilməsi zamanı yarana biləcək riskləri müzakirə edib və biznesmenlərin suallarını cavablandırıblar.
